noizean behin

ONCE IN A WHILE/

NOIZEAN BEHIN

( a time-lessons…)

Ekarri naute hona.

Eta jaitsi dira

noizean behin

Buenavistako mollan,

Itsasoa itzali du suak

eukalipto zuhaitzaren enborrak

mundua hankazgora harrapatu gura dabilen psikiatra legez.

Ezen psikiatrak

Noizean behin elkartzen baitira

Pasaian itsasontziei begiratzera.

Aharrausiak bota.

Eta sekulako lezioa jaso:

Biziaren eskeletoa

“Asian tomorrow” eskeletoari so,

hogeita hamar metro zabaleko eskeletoa

180 metro luzeri mundua alderantziz eskainiz,

topa egiten dute

denboraren gainean

noizean behin.

Hitzek egiten dute lurrean bote.

Eta topa berriro.

Bakardade ozenak su ematen dio bere buruari

su bontzo eran,

pausuen jarioak beherantz eraman ditu

bikiak izan daitezkeen moja bi

haien zapatak gozotegiko eskaparatean

etikaren eta erotikaren isuria larrutuz jaitsi dira

neskatxak

eta emakumeak eta kimono jantzirik ederrenak

milioika urteren betileetan

larrutu eta lotu,

ohean.

Eta hemendik aurrera?

Orain zer?

Denborak argitu du lezioa denbora gutxian,

Zertara ekarri nauten hona.

Jaiotzez 

ezin dut erantzunik eman.

Otsoak badoaz, 

alde egin dute dagoeneko egurrak hobekien erretzen duen usainari jarraiki.